إذا سألت بعض الناس وقلت ما هو  Google ؟ البعض يظن انه مجرد مجرد موقع، او محرك بحث، او  برنامج غووغل إيرث، هذا ما يعرفه اغلب الناس، لكن ما يدرون انها شركة ضخمه تقدم خدمات  ممتازة لمستخدميها، بمجرد ا نك تسجل بحساب بريد غووغل راح تفتح لك خدمات كثير مثل المدونات  blogger و blogspot وكمان اليوتوب ومواقع كثيرة ممكن تدخلها عن طريق حساب غووغل.

من ضمن الخدمات المميزة إلي تقدمها غووغل هي خدمة تتبع مواقع الأصدقاء “Google Latitude” وهي عبارة  عن خدمة تسمح لك بتتبع مواقع اصدقائك وتمكنهم من معرفه موقعك  وإحداثياتك، ممكن انك تسمح لبعض الأشخاص بأنهم يعرفون مكانك وممكن بعضهم ما تسمح لهم، وايضاً ممكن تخلي  البرنامج يحدد موقعك يدوياً أو آلياً عن طريق خاصية تحديد المواقع الموجودة بالجوالات.

طبعاً الخدمه متاحه على جميع  الجوالات وأيضاَ الكمبيوتر، ممكن تشغلها على جوالك عن طريق زيارتك لموقع الخدمة او  تحمل لها برنامج خاص لبعض الجوالات.

افتح الرابط هذا بمتصفح جوالك “www.google.com/latitude” وراح يطلب منك تسجيل دخولك بحساب غووغل ، لو ما كان لديك حساب يفضل انك تفتح حساب.

طبعاً يجب انه الطرفين يكون عندهم نفس الخدمة  وبعدين تضيف الشخص لديك بقائمة الأصدقاء وهو يقبل الدعوة، بعدها يمكن انك تشوف مكانه  بأي وقت وتراسله سواء بالبريد الإلكتروني او برقم الجوال أو بالدردشه الفورية.

طبعاً لي تجربه مع الخدمة هذي، مرة اتصل اخي الكبير علي وقال انه ضاع بأحد الوديان  في الجنوب في مدينه أبها،  طبعاً ما ادري وش جابه في ذاك المكان  لكن  لأن عنده جيب ربع فمشى في طريق طويل ووعر وكله صخور،  فوصل لمكان  مثل الوادي، طلب مني اني اشوف له اقرب طريق يرجعه لأبها، وقدرت اساعده عن طريق الخدمة  هذي.

طبعاً وانا مسافر من الطايف للرياض بالنقل الجماعي في زمن 10 ساعات، كان بإمكانه يشوف مكاني بدون ما يتصل عليه  كل شوية ويسأل انا وين، صراحة خدمة حلوة مرة ومميزة.

هذي صور من  شاشة جوالي توريكم شكل الخدمة:

الخريطه مصغرة، حيث اخي هاني كان بالبيت بالطائف وانا في طريقي للرياض